Saptapadi Vivah diaries - rukmini swayamvar
रुक्मिणी स्वयंवर
आपल्याकडे सर्रास उपवर तरुणींना लग्न लवकर जमावे आणि सुयोग्य जोडीदार मिळावा म्हणून "रुक्मिणी स्वयंवर " ग्रंथाचे पारायण सांगितले जाते . आजकाल बऱ्याचशा ऑडिओ क्लिप्स आहेत पण फक्त पारायणापेक्षा या ग्रंथाची माहिती , महती आणि त्याची फलद्रूपता जाणून घेऊन संकल्पपूर्वक पारायण केल्यास फळ हे मिळतच .
भागवत हा आपल्या हिंदू संस्कृतीचा पाया आहे . अशी एक पौराणिक कथा प्रचलित आहे , कि हा भागवत वैकुंठलोकी होता , नारदमुनींनी तो व्यासांकडे आणून दिला आणि मग व्यासांनी भागवताची रचना केली . भागवतात श्रीकृष्ण लीला सांगितल्या आहेत . त्यातील दशस्कंदातील कथा म्हणजे "रुक्मिणी स्वयंवर ".
मराठीत तसे ३०-३२ रुक्मिणी स्वयंवर आहेत पण संत एकनाथ महाराजांनी काशी येथील मणिकर्णिका घाटावर ४५० वर्षांपूर्वी लिहिलेली हि कथा म्हणजे साक्षात श्रीकृष्ण परमात्म्यानी आपल्या भक्ताला दिलेली आज्ञाच होती .
विदर्भात जन्माला आलेल्या रुक्मिणीने नारदमुनींकडून श्रीकृष्ण लीला ऐकल्या आणि ती इतकी भाळली कि श्रीकृष्ण आपला पती बनवा म्हणून प्रार्थना केली दुष्कृत्याकडे वळलेल्या रुक्मिणीच्या भावाने तिचे लग्न शिशुपालशी ठरवले होते . पण रुक्मिणीची आर्त हाक ऐकून श्रीकृष्ण बलरामसमवेत आले आणि त्यांनी रुक्मिणीच्या भावाशी आणि शिशुपालशी युद्ध करून रुक्मिणीला वरले .
अशी हि साक्षात लक्ष्मी - नारायणाच्या द्वापारयुगातील मिलनाची कथा .
या ग्रंथातून रुक्मिणीचा कृष्णाप्रती असणारे प्रेम , भक्ती , समर्पण हे भाव प्रगट होताना दिसतात . एका सुखी संसाराला याच तर गुणांची गरज असते .जेव्हा आपण या ग्रंथाचे वाचन करत असतो तेव्हा नकळत हे सगळे भाव आपल्यात उतरत असतात . त्यामुळे रुक्मिणी स्वयंवर हे एक अक्षर सत्य ग्रंथ आहे . त्याचे श्रद्धेने आणि संकल्पपूर्वक वाचन , मनन , पठण केल्यास साक्षात विष्णू म्हणजेच श्रीकृष्णाच्या कृपेने आपल्याला सर्वगुण संपन्न जोडीदार तर लाभणारच पण पुढील वैवाहिक आयुष्यही सुखमय आणि शुभमय होणार यात शंकाच नाही .
25th May, 2020
Saptapadi Vivah
Hello Payal, you can read Rukmini Swayamvar every day at your convenience but with devotion. wish you all the best.
Payal naikwade
How to doing this
Leave a Comment